آتانین دوغما اوغلونون توخومونو
اله کئچیرمه‌سی، اؤکوز کیمی
یئنیدن دوغولماسی و باشینا گلن
باشقا معجزه حاقیندا سؤز
قدیملرده یاماتو تورپاغی‌نین سوو-نو-کامی ماهالی‌نین یا-
مامورا کندینده کورا-نو-ایئقیمی-نو-کیمی آدیندا بیر کیشی یا-
شاییردی. اون ایکینجی آیین تامامیندا کیشی گوناهلارینی یوماق اوچون
اولو آرابا سوتراسینی اوخوماق قرارینا گلدی. او، نؤکرینه امر
ائله‌دی: راهیب تاپ گتیر”. نؤکر سوروشدو: من هانسی مبه‌ده
گئتمه‌لییم؟” ایئقیمی دئدی: منیم اوچون فرقی یوخدو. قاباغینا
بیرینجی کیم دوشسه، اونو دا گتیر”.
نؤکر امری یئرینه یئتیردی، یولدا راستینا چیخان راهیبله ائوه قا-
ییتدی. ایئقیمی درین احتیراملا اونا نزیر وئردی. آخشام، عبادت قور-
تاراندان سونرا راهیب یاتماغا حاضرلاشدی و ائو صاحبی‌نین حاضرلادیغی
یاتاغا اوزاندی. راهیب فیکره گئتدی. صاباحکی هدیه‌‌لری گؤزله‌مه-
دن یورغانی گؤتوروب، ائله ایندی آرادان چیخماق داها یاخشی اولمازمی؟”
قفلتن راهیب سس ائشیتدی: یورغانا دیَمه!” راهیب دهشتلی
واهیمه و قورخویلا ائوه گؤز گزدیردی، آمما هئچ کیمی تاپمادی.
یالنیز آنبارین تالواری‌نین آلتیندا بیر اؤکوز واردی. راهیب اؤکوزه یا-
ناشدی، اؤکوز دیله گلدی: من ایئقیمی‌نین آتاسییام. کئچن دفعه
من اوغلومدان سوروشمادان آداملارا اون درز دویو وئرمیشدیم.
گوناهیما گؤره جزالاندیریلمیشام، ایندیکی حیاتدا اؤکوز کیمی یئ-
نیدن دوغولموشام. راهیب، یورغانی گؤتورمه‌یه نئجه اورگین
گلیر؟ سؤزلریمه شوبهن وارسا، صاباح منیم اوچون یئره سامان
دؤشه. گلیب سامانلیقدا اوزاناجاغام. ایئقیمی‌نین آتاسی اولدوغوما
اوندا اینانارسان”. راهیب بد نیته دوشمه‌سیندن اوتاندی و یا-
تاغینا اوزاندی.
سحریسی، عبادتدن سونرا راهیب یادلاری بوردان اوزاقلاشدیرین”
دئدی. ائو صاحبی‌نین قوهوملارینی بیر یئره ییغدی و هئچ نه گیزلت-
مدن باش وئرمیش حادثه‌‌نی اونلارا دانیشدی. ائو صاحبی کدرلندی،
اؤکوزه یاناشدی، یئره سامان دؤشه‌دی و دئدی: دوغرودان دا منیم
آتامسانسا، گل بورادا اوزان. اؤکوز آیاقلارینی قاتلادی و سامان-
لیغا اوزاندی. قوهوملار آغی دئدیلر، برکدن آغلایا-آغلایا سؤیله-
دیلر: دوغرودان دا آتامیز قارشیمیزدادیر”. ائو صاحبی آیاغا
قالخدی، اؤکوزه باش ایدی و دئدی: من سنین کئچمیش بورجوندان
کئچیرم”. اونون سؤزلرینی ائشیدن اؤکوز آه چکدی و آغلادی. همین
گون، مئیمون ساعتیندا اؤکوز اؤلدو. ائو صاحبی ایسه آتاسی‌نین گوناه-
لارینی یوسون دئیه، راهیبه یورغان و پول باغیشلادی.
اینتیقاما نئجه اینانماماق اولار؟
پوروراواس و اورواشی حاقیندا
حکایت
ویواسواتین اوغلو مانو هیمالای داغیندا طوفانا دوشدو، ساغسالامات
قورتاردیغینا گؤره تانریلارا نزیر وئردی: داغین باشیندان
سویا بیر آز کسمیک، بیر آزجا دا یاغ توللادی. همین نزیردن ایلا
آدلی بیر آرواد یاراندی. او، خالق آراسیندا مانونون قیزی کیمی تانیندی.
سونرا مانو آسقیردی، اونون آسقیریغیندان ایکشواکو آدلی اوغلان دوغولدو،
اونون داها سونرا سککیز اوغلو دا اولدو. ایکشواکودان، شرقده حؤکمدارلیق
ائدن گونش نسلی‌نین شاهلاری تؤرندیلر.
آی تانریسی سومونون اوغلو بودخا، مانونون قیزی ایلا ایله ائولندی.
اونلارین بیر اوغلو اولدو، آدینی پوروراواس قویدولار. قربده‌کی اؤل-
کلری ایداره ائدن آی نسلی‌نین ایلک شاهی همین اوغلان اولدو. پوروراواس
قودرتلی و عدالتلی شاهییدی، بؤیوک-بؤیوک اؤلکلر، اوکئانلارداکی
آدالار شاهلیغینا داخیل ایدی، مزیتلرینه گؤره تانریلارا تای ایدی.
روایته گؤره گونلرین بیر گونو آرزو، منفت و یاخشیلیق
اونا باش چلر. شاه اونلارین هر اوچونو حؤرمتله قارشیلادی،
آمما یاخشیلیغا داها چوخ احتیرام گؤستردی. ضزلرینی تحقیر ائدیلمیش
سایان آرزو و منفت پوروراواسی لعنتله‌دیلر. آرزو گله‌جکده
اونون سئوگیلیسیندن آیری دوشه‌جه‌یینی دئدی، منفت ایسه
تاماهکارلیغیندان اؤله‌جه‌یینی سؤیله‌دی. یاخشیلیق ایسه اونلارین لعنتلرینی
یومشالتدی، شاهین اوزون عومور سوره‌جه‌یینی، واریثلری‌نین ایسه یئر
اوزونده شاهلیق ائده‌جه‌یینی دئدی.
همین واختلار سما قیزلاری‌نین ان گؤیچیی اورواشی اللهلارین
ایقامتگاهینی ترک ائدیب یئره ائندی. واختیله آدیتین بؤیوک اوغلانلاری
میترا و وارونا اونو گؤیده، ایلاهی ناندانا مئشه‌لیگینده گؤرموشدولر،
گؤرن کیمی ده بیر کؤنولدن مین کؤنوله اونا وورولموشدولار.
گوندوز ایشیغی اللهی قودرتلی میترا اونونلا ائولندی. آمما قیزین
مئیلی وارونایا ایدی. اورواشی‌نین ایکی اوغلو اولدو: مودریک آقاستیا و
واسیشتها. اوشاقلارین آتاسی‌نین کیم اولدوغو - میترامی، یوخسا وارونامی
- هئچ تانریلار دا بیلمیردیلر. اورواشی‌نین خیانتیندن خبر
توتان کیمی میترا اونو گؤیدن قوودو، لعنتله‌دی، بیر نفر اؤلری‌نین
آروادی اولاجاغینی، یئرده، اینسانلارین آراسیندا یاشایاجاغینی دئدی.
اؤلوملو اینسانلار دونیاسیندا اورواشی پوروراواسی گؤردو، سماداکی
سارایلاری یادیندان چیخارتدی و بوتون وارلیغییلا اونا وورولدو.
ایلاهی قیزین گؤزللیگینه حئیران قالان پوروراواس شاه دا اورواشییه
وورولدو. شاه اونا ائلچی دوشدو.
اورواشی جاوابیندا دئدی:
- من راضییام، آمما ایکی شرطیم وار.
شاه سوروشدو:
- شرطین ندی؟
- منیم ایکی قوزوم وار، اونلاری من دوغما اوشاقلاریم کیمی
ایسته‌ییرم. قوی اونلار همیشه منیم تاختیمین یانیندا قالسینلار
و سؤز وئر کی اونلاری قورویاجاقسان، بیر ده سؤز وئر کی، هئچ واخت
منیم گؤزلریمه چیلپاق گؤرونمه‌یه‌جکسن.
پوروراواس هر ایکی شرطه ممنونیتله راضیلیق وئردی. بئله‌لیکله،
گؤیلر قیزی اؤلوملو بیر اینسانین آروادی اولدو.
اونلار اوزون ایللر خوشبخت حیات سوردولر، پوروراواسین گؤیچک
اورواشییه، اورواشی‌نین ایسه پوروراواسا قارشی اولان سئوگیسی گون‌به‌گون
آرتیردی. قیز گؤیلرده، ابدی تانریلار آراسیندا یاشادیغی واختلاری آرتیق
اونوتموشدو. آمما اورواشیسیز سما سارایلاری اؤزونون یاراشیغینی
ایتیرمیشدی، اونون نیسگیلینی چکنلر چوخ ایدی. قاندهارولارین حؤکمداری
ویشواواسو، اورواشینی گئری آپارماقدان اؤترو گؤیدن یئره ائندی.
ویشواواسو ار-آرواد آراسینداکی شرطی بیلیردی. گونلرین بیر گونو
گئجیکن اونلارین یاتاق اوتاغینا سوخولدو و قوزولاردان بیرینی
قاپیب آرادان چیخدی. اورواشی یوخودان اویاندی، قوزولاردان بیری‌نین
ایتدیگینی گؤروب قیشقیردی. اریم هاردادی؟ کیمدن کؤمک دیله‌ییم؟”
- دئیه او، آجی-آجی وای-شیون قوپارتدی. پوروراواس ایسه چیلپاق آروادی‌نین
گؤزونه گؤرونمه‌مک اوچون یاتاغیندان گئج دوردو، او، قالخانا
کیمی اوغرو قوزونو دا گؤتوروب آرادان چیخدی. اورواشی قیشقیرا-قیشقیرا
ارینی قینادی: قورخاغا اره گئدن آروادا حمایه‌‌دار تاپیلماز!”
نؤوبتی گئجه قاندهارولار ایکینجی قوزونو آپاردیلار. بو دفعه
پوروراواس یاتاغیندان جلد قالخدی، گومان ائله‌دی کی، گئجه‌نین
قارانلیغیندا آروادی اونون چیلپاق اولدوغونو گؤرمز. قیلینجینی گؤتوروب
اوغرولارین دالینجا دوشدو. ائله بو زامان قاندهارولار شیمشک
چاخدیردیلار و شیمشه‌یین شؤله‌سینده اورواشی ارینین لوملوت اولدوغونو
گؤردو. قاندهارولار قوزونو آتیب، اؤزلری‌نین سما سارایلارینا
چکیلدیلر.
پوروراواس قوزونو دا گؤتوروب گئری قاییداندا گؤردو کی، اورواشی
یوخا چیخیبدی. اومیدسیز پوروراواس سئوگیلیسینی آختاریب تاپماق اوچون
ایشیقلی دونیانی گزیب دولاشماغا باشلادی. دیوانه‌لر کیمی چوخ
گزیب-دولاشدی، ایتکیسینه آجی-آجی عاغیلار دئدی: بیر چوخ اؤلکلری دولاشاندان
سونرا، نهایت، گلیب کوروکشئتره چیخدی. بورادا او، شاناگولله‌لرله
اؤرتولموش بیر گؤله راست گلدی، گؤلده قو قوشلاری اوزوردو.
بونلار قو قوشلاری جیلدینه گیرمیش آپسارلارییدی و اورواشی ده اونلارین
آراسیندایدی. اورواشی ارینی گؤروب رفیقه‌لرینه دئدی: منیم
سئودیگیم آدام باخ، اودو”. آپسارلار گلین اؤزوموزو اونا گؤسته‌رک”
دئدیلر و سما قیزلاری جیلدینه گیریب اونون قارشیسینا چیخدیلار.
پوروراواس اوزونو اورواشییه توتدو:
- ائی منیم آروادیم، ائی منیم قددار اورکلیم، آیاق ساخلا،
گل دانیشاق!
اورواشی اعتراض ائله‌دی:
- من سنینله نه دانیشیم؟ من دان یئری‌نین ایلک شفقی کیمی
چیخیب گئتدیم. پوروراواس، قاییت ائوه! من کولک کیمی بیر شئیم،
منی ساخلاماق اولماز.
پوروراواس چوخ یالواردی، ناحاقدان چوخ دیل تؤکدو، چاره‌سیز قالیب،
گئری قاییتماسا اؤزونو اؤلدوره‌جه‌یینی دئدی. دئدی کی، گئری قاییتماسان
سیلدیریم قایالیقدان اؤزومو آتاجاغام، جانیمی وحشی جاناوارلارا
یئم ائده‌جه‌یم.
اورواشی دئدی:
- ضلمه، پوروراواس، اؤزونو سیلدیریم قایالیقدان آتما. یادیندا
ساخلا کی، قادینلارلا دوستلوق ائتمک اولماز، اونلارین قلبینده رحم
دئییلن شئی یوخدو.
آمما اورواشی‌نین اونا یازیغی گلدی و دئدی:
- گئت، دوز بیر ایلدن سونرا گؤلون ساحلینه گلرسن. او واختا
کیمی بطنیمده گزدیردیگیم اوشاغیمیز دوغولار.
دوز بیر ایلدن سونرا پوروراواس همین یئره گلدی. اوللر گؤل
اولان یئرده او، قیزیل سارای گؤردو. اورواشی سارایدان چیخدی و دئدی:
- بو گئجه‌نی من سنینله کئچیره‌جه‌یم. صاباح قاندهارولار
دئیه‌جکلر کی، سنین بیر آرزونو یئرینه یئتیرمه‌یه حاضریق. اوندا
دئیرسن: من سیزینکیلردن بیری اولماق ایسته‌ییرم!”
پوروراواس اورواشی‌نین دئدیگی کیمی ائله‌دی. او، قاندهارولارا دئدی:
- یئر اوزونده نه آرزولامیشامسا، هامیسی نصیبیم اولوبدو.
منیم یئگانه آرزوم اورواشی‌نین یانیندا اولماق و اوندان آیریلماماقدی.
قاندهارولار اونا ایچینده اود اولان بیر مانقال وئریب دئدیلر:
- مئشه‌یه یوللان، بو اودو اوچ یئره بؤل، فیکرینده اورواشینی توتاراق
شراب نزیری آیینینی یئرینه یئتیر، آرزونا چاتاجاقسان.
پوروراواس مانقالی گؤتوروب مئشه‌یه یوللاندی. مئشه‌ده شوبهه
اونو بورودو: دلییم، دلی، آروادیمین عوضینه بو مانقالی گؤتوردوم.
قاندهارولار منی آلداتدیلار”. او، مانقالی مئشه‌ده قویوب
گئری، سارایا قاییتدی. گئجیاریسی یوخودان قالخیب فیکره گئتدی: قاندهارولارین
دئدیگینه ناحاق عمل ائله‌مه‌دیم، آخی اونلار سؤز وئرمیشدیلر
کی، آرزومو یئرینه یئتیره‌جکلر!” او، یاتاغیندان قالخدی، همین
مئشه‌یه یوللاندی، گلیب گؤردو کی، مانقال یوخدو، اونون یئرینده ایکی
آغاج بیتیبدی. پوروراواس هر آغاجدان بیر بوداق قوپارتدی، سارایا
قاییتدی و بوداقلاری بیر-بیرینه سورتمکله مقدس اود الده ائله‌دی.
پوروراواس ایلک اؤلوملو آدام ایدی کی، اوچ مقدس اودون تمه‌لینی
قویدو: ائو مراسیملرینی کئچیرمک اوچون اود، عومومی قوربانلار اوچون
اود و شراب نزیری آیینین کئچیرمک اوچون اودون آلینماسی اونون
آدییلا باغلیدی.
بو مراسیملرله پوروراواس قاندهارولارا مخصوص صیفت قازاندی
و یئنیدن سئوگیلیسی اورواشییه قوووشدو. آمما دئییرلر کی،
یاشا دولدوغو واختلاردا قودرتییله اؤیونه-اؤیونه براهمانلارین
اشیالارینا تاماه سالیبمیش و عصبیلشمیش مودریکلرین لعنتلرینی
قازانماقلا منفتین دئدیگی کیمی، تاماهکارلیغی‌نین اوجباتیندان
اؤلوبموش.
فیل و سیچان بالاسی
لاپ قدیملرده بالاجا بیر سیچان بالاسی وار ایدی. اونون بیر گوزگوسو
وار ایدی. بو گوزگو ساده گوزگو دئییلدی، سئهرلی ایدی. کیم بو
گوزگویه باخسا ایدی، اؤزونو بؤیوک و قوووتلی گؤرردی. سیچان بالاسی
دا همیشه اؤز سئهرلی گوزگوسونه باخار، اونا ائله گلردی کی، او ائله
دوغرودان دا دونیادا تایی برابری اولمایان ان بؤیوک و گوجلو
حئیواندیر. سیچان بالاسی او بیری سیچانلارا چوخ یوکسکدن باخماغا
باشلامیشدی. اونلارلا اویناماق، حتی دانیشماق دا ایستمیردی.
او، جده اوتوروب لووغا-لووغا اؤز بیغینی تومارلایار، یا دا اؤز
جومبولو آیاقلاریله یئری تاپدالایاردی، قولاغینی تورپاغا قویوب قولاق
آساردی کی، گؤرسون آیاغی‌نین ضربه‌‌سیندن یئر تیتره‌دی، یا یوخ!
اونون هئچ آغلینا گلمزدی کی، دونیادا اوندان بؤیوک و گوجلو
حئیوان اولا بیلر.
باخین، بو سیچان بالاسی بئله تکببورلو ایدی! بیر دفعه اونون تجروبه‌لی
و قوجا سیچان اولان خالاسی دئدی:
- باجی‌اوغلو، باخ ها، احتیاطلی اول! هامی بیلیر کی، سن چوخ لووغالانمیسان
و اؤزونو بوتون حئیوانلاردان قودرتلی اعلان ائتمیسن.
آنجاق یادیندا ساخلا کی، سنین اؤیونمه‌یین فیلین خوشونا گلمیر.
- هله بیر فیل نه دیر؟ - دئیه سیچان بالاسی جیگیلده‌دی. - هانسی فیل؟
فیل نه دیر؟ اشی، اونو بیر بورا چاغیر گؤرک! من بیر گؤز قیرپیمیندا
اونونلا حسابلاشارام!
سیچان بالاسی‌نین خالاسی دونیادا چوخ عومور سورموشدو و چوخ
شئیلر گؤرموشدو. او، بیغالتی گولومسونوب دئدی:
- فیل، دونیادا ان بؤیوک حئیواندیر. ائله بیر حئیوان تاپیلماز
کی، اوندان قورخمامیش اولسون.
- اولا بیلمز کی، هانسی بیر فیل ایسه مندن قوووتلی اولسون،
- دئیه سیچان بالاسی جاواب وئریب فیلی تاپماغا گئتدی.
او، مئشه تالاسیندا یاشیل کرتنکله‌یه راست گلدی.
- بیر دئ گؤروم، فیل سنسن؟ - دئیه سیچان بالاسی سوروشدو.
- یوخ، من کرتنکله‌یم. فیل سنین نَیینه لازیمدیر؟ - دئیه
کرتنکله ماراقلاندی.
- دعا ائیله کی، سن جانینی منیم الیمدن قورتاردین. اگر سن
فیل اولسایدین، من سنی پارچا-پارچا ائدردیم! - دئیه سیچان بالاسی
قیشقیردی.
بالاجا سیچان بالاسی‌نین ائله گولمه‌لی اوزو واردی کی، کرتنکله
اؤزونو ساخلایا بیلمه‌ییب گولدو.
سیچان بالاسی حیرصلندی، اؤز گوجونو اونا گؤسترمک اوچون آیاغینی
یئره ووردو. تصادفن گرک ائله ایلدیریم دا همین او آندا چاخا ایدی!
یاشیل کرتنکله قورخدو، تئز اؤزونو داشین آلتینا سوخدو. اونا
ائله گلدی کی، بو گورولتونو سیچان بالاسی قالدیریب.
گؤر من نئجه گوجلویم!” - دئیه سیچان بالاسی دا بو آرالیق
اؤز-اؤزونه دوشونوب قاچدی.
بیر آز گئدیب بیر بؤجه‌یه راست گلدی.
- ائی، دایان، سن، تصادفن فیل دئییلسن؟ - دئیه اوندان سوروشدو.
بؤجک اؤزونو ایتیردی.
- یوخ، - دئیه دیلی توپوق چالا-چالا جاواب وئردی. - من فیل
دئییلم، بؤجه‌یم.
- اوندا سنین بختین گتیردی! سئوین کی، سن فیل دئییلسن. یوخسا
من سنین سور-سومویونو یئرله یئکسان ائتمیشدیم!
بؤجک بو سؤزلری ائشیدیب آنجاق گولومسوندو. اوندا بالاجا سیچان
بالاسی آیاغینی یئره ووردو کی، بؤجیی قورخوتسون. آنجاق بو
دفعه ایلدیریم چاخمادی.
سیچان بالاسی آیاغینی یئره بیر ده ووردو، یئنه ده ایلدیریم چاخمادی،
هئچ بیر ضعیف سس ده چیخمادی!
یقین کی، یئر یاشدیر. اونا گؤره سس چیخمیر!” - دئیه سیچان بالاسی
اؤزلویونده دوشوندو، قاچیب یولونا داوام ائتدی.
او بیر نئچه مئتر قاچمامیشدی کی، قریبه بیر حئیوانا راست گلدی.
او حئیوان آغاجین یانیندا اوتوروب یازیق-یازیق باخیردی.
باخ، یقین کی، بو فیلدیر! - دئیه سیچان بالاسی دوشوندو. - او،
منی گؤروب، دویوب کی، من نه اوچون گلمیشم، اونا گؤره ده بئله
درده-قمه باتیب”.
- دئ گؤرک، سن فیلسن؟ - دئیه سیچان بالاسی مولاییملیکله سوروشدو.
حئیوان، سیچان بالاسی‌نین سوالینی ائشیدیب گولومسوندو و بئله
جاواب وئردی:
- یوخ، من فیل دئییلم، آنجاق من دونیا اوزونون آغاسی‌نین
دوستویام. من ایتم.
- بس او دونیا اوزونون آغاسی کیمدیر؟ - دئیه سیچان بالاسی سوروشدو.
ایت دئدی:
- اینسان!
- یوخ اشی؟ بختین گتیردی کی، سن ایتسن. اگر فیل اولسایدین، ایشین
یاشدی! آنجاق یادیندا ساخلا کی، دونیانین یئگانه آغاسی منم،
اینسان دئییل! یاخشی اولار کی، سن اؤز سؤزلرینی گئری گؤتوره‌سن.
ایت ایسته‌دی کی، بو لووغانی بیر آز اله سالسین:
- سن دوغرو دئییرسن، قودرتلی حئیوان! حتی اینسانلار دا سنین
اوچون ایشله‌ییرلر. اونلار تاخیل اکیب-بیچیرلر، سن ده اونو یئییرسن!
ایت بونو دئییب، قاچیب اؤز یولو ایله گئتدی.
سیچان بالاسی دا یولونا داوام ائدیب مئشه‌نین لاپ درینلیکلرینه
چاتدی. او، بورادا داغ بویدا بویو اولان حئیوانا راست گلدی، اونون
آیاقلاری آغاج گؤوده‌سی یوغونلوقدا ایدی، ایکی قویروغو واردی: بیری
اوزون - اؤزو ده قاباقدا ایدی، او بیری قیسا ایسه دالدا ایدی.
- اولمایا سن فیلسن؟ - دئیه لووغا سیچان وار گوجویله قیشقیردی.
فیل اطرافا باخیب هئچ کسی گؤرمه‌دی. سیچان بالاسی بؤیوک داشین
اوستونه دیرماشیب چیخاندا فیل دقتله باخیب اونو گؤردو.
- بلی، من فیلم، - دئیه جاواب وئردی.
- سن نئجه جورت ائدیب منی اله سالمیسان و حیرصله هدله‌میسن!
- دئیه سیچان بالاسی قیشقیردی، آیاغینی داشا ووردو. بو دفعه ده
ایلدیریم چاخمادی.
سیچان بالاسی‌نین غضبی فیلین هئچ دوداغینی دا قاچیردیب گولدورمه‌دی.
او، ساکیتجه خورتومونا سو آلیب هددینی آشان سیچان بالاسی‌نین
اوستونه تؤکدو. بیر گؤز قیرپیمیندا سو - اؤزونوؤیه‌نی داشین اوستوندن
یویوب یئره سالدی. سیچان بالاسی آز قالا سودا بوغولاجاقدی.
آنجاق بیر تهر اؤزونه گلیب گوج-بلا ایله نوهوردان چیخدی.
سیچان بالاسی هئچ گؤزلمیردی کی، فیلله اونون داواسی بو جور روسوایچیلیقلا
قورتارار.
سیچان بالاسی سویو سوزوله-سوزوله ائوه قاییتدی. ایندی او بیلیردی کی،
دونیادا اوندان چوخ-چوخ قوووتلی حئیوانلار وار. سیچان بالاسی او
واختدان بری داها بیر ده لووغالانمیر و اؤز گوجو ایله اؤیونمور.
اؤزونون سئهرلی گوزگوسونه ایسه اوندان سونرا بیر ده باخمادی!
سولئیمان شاه و آغیللی دورنا
دئییرلر کی، نینکی آداملارین، حتی بوتون جانلیلارین حؤکمداری
اولان سولئیمان شاهین پادشاهلیغی دؤورونده بیر عالیم بیر پییاله سو
گتیریب دئییر:
- منه ایان اولوب کی، اگر سن بو سودان ایچمه‌سن، تئزلیکله بو
دونیادان گئده‌جکسن! اگر بو سودان ایچسن اوندا سنه اؤلوم
یوخدور. ایسته‌ییرسن - ایچ، عومرون اوزونو، همیشه یاشا، ایستمیرسن،
- ایچمه، گئت سن ده اؤلولر دونیاسینا!
سولئیمان شاه فیلشیب:
گرک عالیملرله بیر مصلحتلشم!” - دئیه قت ائدیر.
بوتون عالیملر: یئر اوزونده اولان اینسان و حئیوان عالیملری
اونون امرینی ائشیدن کیمی گلیرلر. پادشاه بونلارا بیر عالیمین اونون
اوچون گتیردیگی پییاله‌دن دانیشیر و اونلارا دئییر کی، سیز نه مصلحت
گؤرورسوز.
عالیملرین هامیسی حیاتی و اونون ریفاهینی تعریفله‌مه‌یه باشلاییرلار:
- حیات ان بیرینجی دؤولتدیر! حیاتدان عزیز هئچ بیر شئی
یوخدور!
بیر سؤزله هامی بو قرارا گلیر کی، سولئیمان شاه بو سویو ایچسه
یاخشیدیر. اوندا سولئیمان شاه سوروشور:
- منیم مملکتیمده ائله بیر عالیم قالیبمی کی، بورا گلمه‌میش
اولسون؟
معلوم اولور کی، عاغیللی دورنا عالیملرین آراسیندا یوخدور. شاه،
دورنانین دالینجا آدام گؤندریر.
دورنا، شاهین سارایینا گلیر. سولئیمان شاه پییاله‌دکی سو حاقیندا
اونا دانیشیر و اوندان سوروشور کی، بو سودان ایچسین یا یوخ.
دورنا، سولئیمان شاها بئله بیر سوال وئریر:
- سن، سویو تک اؤزون ایچه‌جکسن، یوخسا بوتون دوستلارین و کؤمکچیلرینله
بیرلیکده ایچه‌جکسن؟
شاه دئییر:
- سو تک منیم اؤزوم اوچون گتیریلیب و باشقالاری‌نین اونو ایچمه‌سینه
ایجازه وئریلمه‌ییب.
- دوستلارسیز و کؤمکچیلرسیز حیات سنین نَیینه لازیمدیر؟
- دئیه دورنا اونا جاواب وئریر. - سن، دونیانین حؤکمداری اولاجاقسان،
آنجاق تکباشینا سن نه ائده بیلرسن؟
سولئیمان شاه دورنانی تعریفله‌ییب سویو ایچمیر.
درباره این سایت