ائتیقو تورپاغیندان اولان موقدس
کوواتوری حاقیندا
موقدس کوواتوری ایشیقلی دونیادا یاشادیغی واختلار تئز-تئز
ناتمیز فیلره دوشوردو. سپیلن توخوملارین جوجرمه‌سینه و
باشینی قیرخیب یولا قدم قویماسینا باخمایاراق، کوواتوری
سفئه ایدی و علمه یارامیردی. نادیر حاللاردا سوترا لوتوسو”نو
اوخویوردو و باشقا هئچ نه بیلمک ایستمیردی. لاکین سونرا اینام
اوچون گوجونو توپلاییب شرعی رد ائله‌دی. بوندان سونرا سحردن-
آخشاما کیمی سوترا لوتوسدان” آیریلمیردی، قاش قارالاندان گون دو-
غاناجان سوترا لوتوسو”نو اوخویوردو. یولا تزه‌جه قدم قویدوغو
واختلار کوواتوری اولو موقدس بوددانین بئش و یا آلتی دزیئ
هوندورلویونده هئیکلینی دوزلتمیشدی. هئیکلین قارشیسیندا دورور
و سوترا لوتوسو”نو اوخویوردو. بونا گؤره ده آداملار اونا اولو
بوددا موقدسی دئییردیلر. او، سونرا کوواتوری داغیندا مسکن
سالدی. بونا گؤره ده اونا موقدس کوواتوری دئمه‌یه باشلادیلار.
او، باشقالاری کیمی یاشامیردی و باشقالاری کیمی عبادت ائلمیر-
دی. آیین بدیرلنمه‌سینه اون بئش گون قالمیش کوواتوری زاهیدلییه
باشلاییردی و آغزینا یئمک آلمیردی، آی بدیرلنندن سونراکی اون
بئش گونون بئش و یا آلتی گونونده یئمک یئییردی. کوواتوری هه-
میشه بئله یاشاییردی و اونون بئله یاشاماسی حئیرت آمیز ایش ایدی. بیر
دفعه کوواتوری یوز آجی شابالید گؤتوردو و اونونجو آیین ایلک گونون-
دن قازمایا گیردی. قازمادان سونراکی ایلین اوچونجو آییندا چیخدی.
نه قدر شابالیدین قالدیغینا باخدیلار – شابالیدلارین یاریسی دوروردو.
ائتیقولو آداملار، دؤولتلیلر و کاسیبلار، یوخاریلار و آشاغیلار
اونا سجده ائله‌مه‌یه گلیردیلر، کؤنوللرینی شاد ائله‌مک اوچون اونون
باشینا ییغیلیردیلار. اونلار تعجب ائدیردیلر: بو موقدس گونلر-
له نئجه آج قالیر.
همین واختلار بیر جسارتلی و جسور قاچاق یاشاییردی. قاچاق
موقدسه دئدی: اینسان یئمکله یاشاییر. یئمزسنسه، ایچمز-
سنسه، اؤلرسن. بئله ده ایش اولار؟ سن گوشه‌نیشین اولوب اون گون، ایگیر-
می گون یئمیرسن-ایچمیرسن. لاپ معجزه‌‌دی. یئمک یئمه‌یه-یئ-
میه سوترا اوخویا بیلرسنمی؟ موقدس جاواب وئردی: قوی سن
دئین کیمی اولسون. گلرسن، سن ایسته‌دیگین کیمی ائله‌یریک. منی
قورخوتماق چتین ایشدی”. موقدس کیمسه‌سیز بیر کومایا چکیلدی.
جسور قوچاق قاپینی مؤحکم باغلادی و چیخیب گئتدی. موقدس
دوز اوچ آی کومادا قالدی، یئمه‌دی، ایچمه‌دی، باییرا چیخمادی. راحت-
لانماق اوچون چؤله چیخمیردی، دینجلمک بیلمه‌دن سوترا اوخویور-
دو. اوچ آی کئچدی. قاچاق گلدی، اوّلجه قیفیلی، سونرا دا قاپینی آچدی.
باخیب گؤردو کی، موقدس ساغ-سلاماتدی، گولومسه‌ییر. بوندان
سونرا کوواتوری‌نین شؤهرتی داها دا آرتدی. کیم اونو گؤرسیدی، هؤر-
متله باش اییر، اِحتیرامینی بیلدیریردی.
اؤلوم ساعتی چاتاندا کوواتوری شاگیردلرینی یانینا چاغیردی و
دئدی: من بو آیین اون اوچونجو گونو اؤله‌جه‌یم. عوفونتلی بدنیمی
دفن ائله‌مک اوچون داغلارا آپارسانیز، بؤیوک گوناها باتارسینیز.
سیزه اذیّت وئرمه‌دن اؤلمک ایسته‌ییرم. بیر خئیلی چیر-چیرپی ییغیب
اوستونه چیخدی، تونقال قالادی و سوترا لوتوسو” اوخویا-اوخویا، قیمیل-
دانمادان اؤزونو یاندیردی. سونرا دا توستو ایله بیرلیکده یوخا چیخدی.
آتانین دوغما اوغلونون توخومونو
,کوواتوری ,کیمی ,موقدس ,سونرا ,سوترا ,گؤره ده ,اوچ آی ,بونا گؤره ,سونرا دا ,سوترا لوتوسو”نو ,سوترا لوتوسو”نو اوخویوردو ,ائتیقو تورپاغیندان اولان
درباره این سایت